1998an Barañaingo lagun talde batek sortua eta gaur egun Nafarroako hainbat tokitako gazteok osatua, 23 urte dira jada barre, lan eta musika artean Txaranga Jaiak lehen urratsak ematen hasi zenetik. Giro ona eta gure errepertorio zabal eta anitza ezaugarri dugularik, 2010ean orain arteko gure disko bakarra grabatu genuen. Gure bizkarrean Sanfermin ugari ditugu eta herri askok gurekin gozatu eta gozatzen jarraitzen dute: Iruñea, Gasteiz, Arbizu, Irunberri, Salas de los Infantes, Carbonero El Mayor eta abar luze bat. Aurten ere, kaleak astintzen eta alaitzen jarraitzeko gogoz gaude. Elkar ikustea espero dugu!
